25 október, 2006

Bakað báðum megin

Oft hef ég rekist á sniðug húsráð, sem ég ætla að tylla á bak við eyrað og nota þegar við á. En þetta er fokið út í veður og vind um leið, svo langt að ég leita ekki einusinni að þegar á þarf að halda. Nema eitt. Ég bakaði einhverntíma brauð.. líklega spelt brauð, og í uppskriftinni var talað um að gott væri að setja bökunarpappír ofan í formið. Þegar svona 10 - 15 mínútur eru eftir af baksturstímanum á að taka brauðið úr forminu og velta því á magann á bökunargrindinni. Með þessu móti fæst þessi fína skorpa allan hringinn! Hef nefnilega iðullega lent í því með speltbrauð, sem þurfa að bakast svo lengi, að þau eru crusty og fín að ofan en slepjuleg ofan í forminu En ekki lengur, því þökk sé... jájá, bara farin að hljóma eins og sjónvarpsmarkaðurinn.

Allavega, gott húsráð, mæli með því.

(búin að taka speltbrauðið úr ofninum, gott báðum megin!!)

3 ummæli:

Nafnlaus sagði...

Passaðu bara að gá ekki hvort brauðið sé fullbakað með því að bera það upp að eyranu....

Unnur samstarfskona okkar fór flatt á því í vikunni.....

Sagan hennar af atvikinu er góð, þó er öllu ævintýralegra að segja að skjólstæðingur hafi slegið til hennar með eldsvipu.....

Ótrúlegir hlutir að gerast hjá okkur í vinnunni þessa dagana....

saynomore.......

Meðalmaðurinn sagði...

Jahérna, þetta hljómar spennandi. Ég verð greinilega að fara að kíkja í kaffi...

Syngibjörg sagði...

Ummm.. má ég koma í nýbakað brauð?